Masuaku awapiga Chelsea goli la kideo

London Derby imetamatika kwa Chelsea kuambulia kile walichokipata Liverpool. Arthur Masuaku, amefanya namna.

The Blues walikua pale London Stadium kuchuana na The Hammers katika muendelezo wa EPL wikiendi hii. Licha ya kupata goli la kuongoza, West Ham United walirejea mchezoni kwa kishindo.

Kama ilivyokuwa kwenye mchezo dhidi ya Liverpool, The Hammers wamepeleka kilio kwa mashabiki wa Chelsea baada ya Arthur Masuaku kupachika goli la ushindi.

Masuaku anapachika goli lake la kwanza kwenye EPL akiwa ameshacheza michezo 96 kwenye ligi. Hakika, EPL haina mwenyewe!