Kocha wa Chelsea Graham Potter
Mastaa wa Chelsea wanaamini Graham Potter ni kocha wa daraja la juu baada ya ushindi mkubwa waliopata dhidi ya Borrusia Dortmund kwenye mechi ya raundi ya pili ya Ligi Mabingwa Ulaya.
Chelsea iliibuka na ushindi wa mabao 2-0 uwanja wa Stamford Bridge na kuiondosha Borrusia Dortmund kwenye mashindano hayo na kutinga robo fainali.
Katika mchezo wa kwanza Chelsea ilifungwa bao 1-0 lakini usiku wa kuamkia jana wakapindua meza huku mastaa wakimpa mpongezi Potter akiwemo Kai Harvetz.
Potter alipondwa sana hivi karibuni kutokana matokeo mabovu waliyokuwa wakiyapata lakini baada ya ushindi wao dhidi ya Borrusia Dortmund kocha huyo amerudisha matumaini.
Akizungumza baada ya mtanange wao Harvetz alisema wachezaji wanamuamini asilimia 100 Potter na wataendelea kumpa ushirikiano.
"Tunamuamini kocha wetu asilimia 100, labada watu hawaamini, lakini leo watu wameanza kuona Potter ni aina wa kocha gani," alisema Harvetz.
Nguvu na kiwango walichoonyesha wachezaji wa Chelsea dhidi ya Borrusia Dortmund kumerudisha matumaini kwenye mashindano hayo.