Mastaa 6 Yanga kuikosa Namungo leo

Baada ya maswali mengi kuhusu kuachwa kwa mastaa sita wa kikosi cha kwanza cha Yanga ambacho leo jioni kinavaana na Namungo, kocha mkuu wa timu hiyo Miguel Gamondi ametoa sababu.

Yanga iko nafasi ya pili kwenye msimamo wa ligi ikiwa na pointi 43 baada ya kushinda mechi 14, sare moja na kipigo kimoja kwenye mechi 16 ilizocheza hadi sasa, msimamo ambao unaongozwa na Azam FC yenye alama 44.

Wachezaji walioachwa kwenye msafara wa Yanga ni Djigui Diarra, Joyce Lomalisa, Khalid Aucho, Pacôme Zouzoua, Kennedy Musonda na Joseph Guede.

Gamondi amesema anatambua umuhimu wa wachezaji hao kikosini kutokana na mchango mkubwa walioutoa kwenye michezo iliyopita, lakini ameamua kuwapa muda wa kujitibia majeraha madogo madogo waliyoyapata na wengine kumaliza matatizo waliyonayo.