Mashine! Kizazi cha Kim na Stars mpya

UNAIKUMBUKA ile timu ya taifa ya Tanzania ya vijana chini ya umri wa miaka 17 (Serengeti Boys) iliyoshiriki fainali za Afrika kwa vijana (Afcon U-17) nchini Gabon mwaka 2017?

Wakati ule kocha mkuu wa timu hiyo alikuwa Bakari Shime huku kocha wa sasa wa timu ya taifa ‘Taifa Stars’, Kim Poulsen akiwa mshauri wa maendeleo ya soka la vijana, hivyo alikuwa sambamba na timu hiyo.

Mwanaspoti linakuletea wachezaji wa kikosi kile kilichokuwa kikishauriwa na Kim ambaye mara baada tu ya kupewa mikoba ya kuinoa Taifa Stars amewajumuisha vijana hao kikosini kitakachoingia kambini Machi 8 kujiandaa na michezo miwili ya kuwania kufuzu Fainali za Mataifa ya Afrika dhidi ya Guinea ya Ikweta na Libya.

DICKSON JOB

Huyu ndiye alikuwa nahodha wa kikosi kile cha Serengeti Boys 2017 na alicheza kwa ubora wa hali ya juu eneo la beki wa kati, na kuliwakilisha vyema taifa katika michuano ile ambayo ilikuwa kwa mara ya kwanza Tanzania kushiriki.