Mashabiki wa Yanga: Eng. hersi tuletee straika

Huyu Mwananchi hakutaka kupepesa macho, amesema kwenye sare ya 1-1 dhidi ya Al Ahly kilichowakwamisha ni kukosa mshambuliaji wa kuamua mechi kama Fiston Mayele.

Hivyo amepeleka maombi yake kwa uongozi wa Yanga wanunue mshambuliaji mahiri kwa ajili ya michuano hii

"Viongozi wetu watutafutie straika. Ukiangalia kipindi cha kwanza tuliutawala mchezo, angekuwepo straika kama Mayele angeweza kuamua mechi yeye mwenyewe. Yanga hatuna straika.

"Ligi Kuu ni tofauti na Champions League. Kwenye ligi yetu hakuna timu inaweza kuifunga Yanga kwa sababu iko imara kila idara, ila Champions League kuna watu kama Al Ahly.

Shabiki huyo pia ameomba timu yake iongeze kipa mwenye uwezo wa kukaribiana Djigui Diarra ili siku Diarra akiwa na tatizo,wasiwe na wasiwasi langoni.

"Konkoni sina imani naye, tumeshamjaribu mara nyingi lakini hajatupa tunachokitaka. Tunamuomba Eng. Hersi atuletee straika mwenye uwezo mkubwa, pia atuletee kipa mwenye uwezo wa kushabihiana na Diarra, ametuokoa kama mabao matatu," amesema shabiki huyo.