Masau Bwire aitangazia kiama yanga "Tutawapiga Double K"

Mkuu wa Idara ya Habari na Mawasiliano wa JKT Tanzania, Masau Bwire amesema wamejipanga kupambana na Yanga Sc na kuongeza kuwa watakuwa timu ya kwanza kuifunga timu hiyo.

Mchezo huo utafanyika kesho katika Uwanja wa Azam Complex Chamazi, Bwire amesema wao sio timu ya kufungwa mabao 5 kama Yanga SC walivyofanya dhidi ya timu nyingine.

“Niwaambie tu Yanga kuwa tumekuja na Double K, hii maana yake ni Kichapo cha Kizalendo, Yanga SC wataenda kukutana na hii Double K.

“Sisi ni timu ya Jeshi na sio rahisi kufungwa idadi kubwa ya mabao kama ambavyo Yanga SC walifanya dhidi ya hao wengine,“ alisema Bwire.