Marudiano vs Power Dynamos, Simba wafanye hivi

Matokeo waliyopata Simba ugenini [Power Dynamos 2-2 Simba] kwenye mechi ya Ligi ya Mabingwa Afrika, Simba bado haijamaliza kazi.

Kwa hiyo Simba wanahitaji umakini kwenye mchezo wa marudiano kuhakikisha hawaruhusu goli, lakini Simba imekuwa na changamoto ya kuruhusu magoli siku za karibuni.

Power Dynamos inalazimika kupata ushindi dhidi ya Simba ili kusonga mbele lakini matokeo ya ushindi, suluhu [0-0] au sare ya kufungana [1-1] yataipa Simba nafasi ya kufuzu hatua ya makundi.

Kwa matokeo yalivyo, Power Dynamos inalazimika kupata ushindi dhidi ya Simba kwa hiyo mechi itakuwa ngumu! Simba ikifanikiwa kupata goli mapema itakuwa imejipunguzia presha.

Ikitokea Power Dynamos imepata goli la kuongoza dhidi ya Simba, presha itakuwa kubwa kwa mnyama kama ilivyokuwa kwenye mchezo wao wa marudiano dhidi ya Nkana Red Arrows.

Kwenye mchezo ule Simba ilikuwa ikihitaji ushindi wa aina yoyote, Nkana ikatangulia kupata goli presha ikawa kubwa sana kwa Simba lakini bahati nzuri wakasawazisha kablaya mapumziko na badae kufunga goli la ushindi dakika za mwisho kabisa.

Power Dynamos sio timu mbaya, Simba wanapaswa kujiandaa vizuri ili kuhakikisha wanafuzu kwenda hatua ya makundi.