Marcus Rashford ampa mtihani mzito Ten Hag

Marcus Rashford amekiri wazi kwamba yeye sio mtu sahihi wa kusimama mbele kama straika namba tisa kwahiyo Erik ten Hag anatakiwa afanye usajili wa straika.

Mpaka sasa Man United bado haijasajili straika namba tisa inayemuhitaji zikiwa zimebaki siku 18 kabla ya Manchester United kucheza mechi ya ufunguzi wa Ligi Kuu England dhidi ya Wolves.

Akizungumza kupitia kipindi cha Overlap kinachotangazwa na Gary Neville, straika huyo alisema:

“Kucheza pembeni ndio sehemu rahisi kwangu tangu nilipokuwa mdogo nilikuwa napenda sana, ndio maana napata tabu sana nikicheza kama fowadi wakati mwingine navumilia tu, kuna muda naweza nisiguse mpira lakini baadaye nikigusa moja nafunga bao ninapopata nafasi, unatakiwa utumie akili nyingi ukicheza maeneo kama hayo.”