Yanga yapangwa na Wakenya, Warudì
Wed, 20 Dec 2023
Chanzo: www.tanzaniaweb.live
Timu ya Yanga SC, imepangwa Kundi C katika michuano ya Kombe la Mapinduzi msimu huu itakayofanyika Zanzibar.
Hatua hiyo imekuja baada ya Kamati ya Mapinduzi Cup, kutangaza makundi matatu yenye timu 12 zitakazoshiriki michuano hiyo.
Katika Kundi C, Yanga SC imepangwa na timu za Bandari (Kenya), Vital’O (Burundi) na KVZ (Zanzibar).
Makundi mengine ni; Kundi A zipo Mlandege (Zanzibar), Azam (Tanzania Bara), Chipukizi (Zanzibar) na URA (Uganda). Kundi B kuna Simba (Tanzania Bara), Jamhuri (Zanzibar), APR (Rwanda) na Singida Fountain Gate (Tanzania Bara).
Michuano ya Mapinduzi Cup, inatarajiwa kuanza Desemba 28, 2023 kwenye Uwanja wa Amaan, Zanzibar.
Chanzo: www.tanzaniaweb.live