Pyramids FC waanza kumkataa Mayele.
Ikiwa ni siku chache baada ya kutambulishwa kuwa mchezaji wao mpya akitokea Yanga SC, baadhi ya mashabiki wa Pyramids FC wameonyesha kutokuwa na imani na straika Fiston Mayele.
Kupitia mtandao wa "X" zamani "Twitter" mmoja wa mashabiki wa Timu ya Pyramids (@dutchegyptian) ameandika hivi katika chapisho la utambulisho wa mshambuliaji wao mpya Fiston Mayele;
"Mchezaji anatokea Congo DR, na ana umri wa miaka 29 huyu ni Mzee sana!!, Taarifa zinaonyesha tumemsajili kwa pesa ndogo akitokea Young Africans (Dola ziko wapi Sheikh Salem??!)"
"Sawa kashinda makombe mawili ya Ligi 2 huko anapitokea Tanzania na Yanga SC, ni Ligi ya Kawaida mno na haitifikii chochote kwa ubora."
"Pia alifika fainali ya Shirikisho na timu Yanga SC na kufunga bao dhidi ya USM Algeria, na kwa jumla alifunga mabao 7 katika mechi 12, ni (mafanikio yake bora na jambo zuri)."
"Amecheza katika mechi 7 tu na timu ya taifa ya nchi yake. licha ya uzee wake na kufunga bao moja katika mechi iliyopita dhidi ya Gabon katika mechi ya kufuzu kwa Kombe la Mataifa ya Afrika mwezi uliopita. Congo DR wana mchezesha kama mchezaji wa akiba, na (rekodi zake huko si za kuvutia).
"Binafsi simuoni kama anaweza kupata namba mbele ya Fakhri Lakai, Ibrahim Adel na Dodo Al-Gabbas hapa Pyramids," amesema shabiki huyo.