Manchester United wanasa saini ya Jack Butland

Manchester United imethibitisha kumsajili mlinda mlango Jack Butland (29) raia wa England kwa mkataba wa mkopo mpaka mwisho wa msimu kutoka klabu ya Crystal Palace.

Butland anatua klabuni hapo kuziba pengo la Martín Dubravka aliyerejea Newcastle United baada ya kutamatika kwa mkataba wake na Manchester United.

Makipa wa Manchester United sasa watakuwa, David De Gea (32), Jack Butland (29) na Tom Heaton (36).