Marcus Rashford amefunga mabao mawili dhidi ya Leicester
Manchester United imetoka na ushindi wa mabao 3-0 dhidi ya Leicester City uliochezwa uwanja wa Old Trafford kwenye mechi ya Ligi Kuu England.
Mabao ya Man United yaliwekwa kimiani na Marcus Rashford dakika ya 25 kabla ya kupachika dakika ya 56 bao la tatu liliwekwa kimiani na Jadon Sancho dakika ya 61.
Man United imekusanya pointi 49 tofauti ya pointi tatu dhidi ya Manchester City yenye pointi 52 baada ya sare ya bao 1-1 waliyopata dhidi ya Nottingham Forest.
Man United ilianza kwa kusuasua kipindi Leciester ikionyesha kandakanda safi, licha ya kulishambulia lango wakashindwa kufurukuta eneo la ulinzi.
Vijana wa Erik ten Hag walirudi mchezoni kipindi cha pili kwa kulisakama lango la Leciester na kufanikiwa kucheka na nyavu.
Mechi inayofuata ya Man United ya Ligi Kuu England itakuwa dhidi ya Brentford lakini kutokana na fainali ya Kombe la Carabao mechi hiyo imepigwa kalenda.