Man Utd wakubali ofa ya Van de Beek

Manchester United wameripotiwa kukubali ofa ya mkopo kutoka kwa Lorient kwa Donny van de Beek.

Mchezaji huyo wa kimataifa wa Uholanzi anatarajiwa kuamua mustakabali wake kabla ya tarehe ya mwisho ya kuhama Ijumaa.

Lorient wamefikia makubaliano na Man United juu ya mkopo wa msimu mzima wa Van de Beek, kwa mujibu wa Foot Mercato.

Klabu hiyo ya Ufaransa sasa inataka kumshawishi kiungo huyo ajiunge, lakini inakabiliwa na ushindani kutoka kwa vilabu kadhaa kuwania saini yake.

Van de Beek amekuwa akihusishwa na kurejea katika klabu yake ya zamani ya Ajax, ambapo alitamba kabla ya kujiunga na United kwa pauni milioni 35 miaka mitatu iliyopita.

Wakati akiwa Ajax van de Beek alicheza mechi 175 na kufunga mabao 41. Alishinda Eredivisie na Kombe la Uholanzi katika kampeni za 2018-19 na pia alikuwa sehemu ya timu iliyofika fainali ya Ligi ya Europa mnamo 2017, wakati Ajax iliposhindwa na United.