Man United yatenga kitita kufanya kufuru dirisha dogo la Usajili

Klabu ya Manchester United ya nchini Uingereza imemtengea Kocha wake Erik Ten Hag kitita cha paundi milioni 100 ili kufanya usajili katika majira ya baridi kwenye dirisha dogo la usajili la mwezi Januari.

Katika usajili huo United inatazamia kukamilisha usajili wa nyota katika nafasi ya mlinzi wa kulia kiungo mkabaji pamoja na mshambuliaji ili kuweza kukipa nguvu kikosi chake katika harakati za kuwania ubingwa wa Ligi Kuu ya Uingereza pamoja na mashindano mengine ambayo klabu hiyo inashiriki.

Aidha, Ten Hag amebainisha kuwa mshambuliaji wa klabu hiyo Cristiano Ronaldo atafunga sana msimu huu kufuatia kufungua kalamu yake ya mabao baada ya kufunga bao moja kwa mkwaju wa penati katika mchezo wa Ligi ya Europa dhidi ya Sheriff Tiraspol ya nchini Moldova.