Man United yaichakaza Barcelona na kuiondoa Eurpoa

Klabu ya Manchester United imeipiga Barcelona ugani Old Trafford na kuinyima tiketi ya kuingia katika raundi ya 16 ya kombe la Europa.

Katika mechi kali iliyopigwa mnamo Alhamisi Februari 23, United ambayo ilikuwa mwenyeji wa pambano hilo, ilitoka nyuma na kusajili ushindi wa 2-1 dhidi ya miamba hao wa Uhispania.

United sasa imeingia katika raundi ya 16 ya kombe hilo kwa ujumla ya mabao 4-3 baada ya mechi ya mkondo wa kwanza wiki jana ugani Camp Nou kukamilika kwa sare ya 2-2.

Pambano hili la Old Trafford lilikuwaje?

Kama tu wiki jana, ni Barcelona waliotangulia kucheka - wakitikisa wavu kupitia kwa mshambuliaji matata Robert Lewandowski.

Refa aliwazawadi Barca penalti baada ya kiungo wa United Bruno Fernandes kumvuta na kumwangusha kisandukuni Sergi Roberto na Lewandowski kutikisa wavu.