Decline Rice
Klabu ya Manchester United imeingia vitani kwajili ya kiungo wa kimataifa wa Uingereza anayekipiga klabu ya West Ham United Declan Rice ambapo anawaniwa na vilabu kadhaa nchini humo.
Taarifa zinaeleza Manchester United nao wameingia kwenye mbio za kumuwinda nahodha huyo wa West Ham ambaye anawindwa kwa karibu na klabu ya Arsenal, Huku mpaka sasa mashetani wekundu wakiripotiwa kuzungumza na baba yake na kiungo huyo ambaye ndio wakala wake.
Arsenal bado wamemueka Rice kama chaguo namba moja la kiungo kwenye dirisha hili kubwa, Hivo inaenda kua vita kubwa sokoni kwani mpaka sasa Man United wameshajiunga katika mbio za kumsajili kiungo huyo ambaye ambaye amekua na msimu mzuri sana na wagonga nyundo hao wa London.
Manchester United wanahitaji kufanya sajili mbalimbali kwajili ya kuboresha timu yao kuelekea msimu ujao ambao wanaonesha kua na mipango mikubwa, Mpaka sasa klabu hiyo inawafukuzia wachezaji watatu wa Kiingereza ambao ni Harry Kane, Mason Mount, pamoja na Declan Rice.
Klabu ya Manchester United sasa ni rasmi itachuana na klabu ya Arsenal katika kuhakikisha wanainasa saini ya kiungo Declan Rice ambaye amekua kwenye kiwango bora sana kwa misimu kadhaa ndani ya West Ham, Huku mpaka sasa dau la kiungo huyo likionekana kizungumkuti kwani dau ambalo West Ham wamelitaja ni kubwa mno.