Man United wachezea kichapo mbele ya Brighton

Mashetani wekundu, Manchester United wametandikwa mabao 3-1 na Brighton & Hove Albion katika mchezo wa Ligi Kuu ya England jana Jumamosi Uwanja wa Old Trafford, Manchester.

Mabao ya Brighton & Hove Albion yamefungwa na Danny Welbeck dakika ya 20, Pascal Groß dakika ya 53 na João Pedro dakika ya 72, wakati bao pekee la Manchester United limefungwa na Hannibal Mejbri dakika ya 73.

Kwa ushindi huo, Brighton & Hove Albion wanafikisha pointi 12 na kusogea nafasi ya nne, wakati Manchester United wanabaki na pointi zao sita nafasi ya 12 baada ya wote kucheza mechi tano.