Man United kumaliza hasira kwa Brentford wikiendi hii

Manchester United wako kwenye hali mbaya zaidi kwenye maisha yao ya soka, haijawahi kutokea, hadi hivi sasa wamekusanya alama tisa (9) kati ya 21 ambazo walipaswa kuwa wamezikusanya hadi hivi sasa na wako nafasi ya kumi (10) kwenye msimamo.

Jumamosi hii wanaenda kukutana na Brentford ambao wanaenda kutaka kuweka rekodi mbaya zaidi kwa Manchester United katika dimba la Old Trafford iwapo watashinda basi wataifanya Man. United ipoteze michezo mitatu (3) mfululizo kwenye uwanja wake wa nyumbani kitu ambacho hakijawahi kutokea katika historia yao.

Sababu ambazo wengi wanaamini pengine Brentford wataibamiza Man U ni kutokana na klabu hiyo kuwa na majeruhi wengi ambao walikuwa mhimili kwao, Morali ya timu kushuka kutokana na vipigo mfululizo na mambo ya nje ya uwanja.

Katika michezo mitano (5) ya mwisho kila timu imepoteza michezo mitatu (3) huku Manchester United ikishinda michezo miwili (2) na Brentford ikitoa sare mbili (2).

Katika michezo mitano (5) ambayo timu hizi zimekutana Manchester United imeshinda mara tatu (3) sare moja (1) na kupoteza mara (1), katika hiyo mara moja ambayo Brentford ameshinda amempiga United goli nne (4) kwa bila (0).