Man United: Mason Mount hajaumia

Kiungo wa Manchester United, Mason Mount jana alirejea uwanjani katika ushindi wa 3-0 dhidi ya Crystal Palace baada ya kuwa nje kwa takribani wiki 5 kwa majeraha lakini furaha ya mashabiki ilikatika baada ya kutolewa wakati wa mapumziko huku nafasi yake ikichukuliwa na Victor Lindeloef.

Mashabiki walidhani huenda amepata jeraha tena lakini Man United imethibitisha kuwa hajapata jeraha lolote na kubainisha kwamba mabadiliko hayo yalipangwa tangu mwanzo na Ten Hag kwa ajili ya kumrejesha taratibu kikosini baada ya majeraha.

Mchezo huo ulishuhudia Mason Mount akitoa mchango wake wa kwanza wa bao(assist) wa msimu baada ya Casemiro kukutana na mpira wake wa kona na kuifungia Man United bao la pili kwenye mchezo wa raundi ya tatu ya kombe la EFL.