Man City waanza na moto Ligi ya Mabingwa Ulaya

Wenyeji, Manchester City wameibuka na ushindi wa mabao 3-1 dhidi ya Red Star Belgrade ya Serbia katika mchezo wa Kundi G usiku wa jana Uwanja wa Etihad Jijini Manchester.

Ni wageni, Red Star waliotangulia na bao la kiungo Mghana, Osman Bukari dakika ya 45, kabla ya mabingwa watetezi kuzinduka na mabao ya Julian Alvarez mawili dakika ya 47 na 60 na Rodri dakika ya 73.

Mechi nyingine ya Kundi hilo, RB Leipzig ya Ujerumani iliwachapa wenyeji, Young Boys mabao 3-0 Uwanja wa Wankdorf mjini Bern, Uswisi.