Man City ni mwendo wa kimya kimya EPL, yaichapa West Ham 2-1

Mabingwa watetezi EPL, Klabu ya Manchester City wameibuka na ushindi wa 2-1 dhidi ya West Ham United katika mchezo wa Ligi Kuu ya England jana jumapili katika Uwanja wa Etihad.

Mabao ya Manchester City yamefungwa na Ilkay Gundogan dakika ya 33 na Fernandinho dakika ya 90, wakati la West Ham limefungwa na mtokea benchi, Manuel Lanzini dakika ya 90+4.

Kwa ushindi huo, Man City inafikisha pointi 29 na kurejea nafasi ya pili, sasa ikizidiwa pointi moja na vinara, Chelsea wakati West Ham inabaki na pointi zake 23 katika nafasi ya nne baada ya timu zote kucheza mechi 13.