Mamia wajitokeza kumzika Ahmed Mumba

Mamia ya wananchi kutoka maeneo mbali mbali nchini Tanzania wakiongozwa na msemaji mkuu wa timu ya Mtibwa Sugar Thobias Kifaru Ligarambwike,

Siku ya jana walijitokeza kwa wingi kumzika Mkufunzi wa Makocha Tanzania Marehemu Ahmed Mumba,

Marehemu Mumba ambaye pia ni Katibu Mkuu wa Chama cha Makocha Mkoa wa Morogoro’TAFCA’ alifariki Dunia siku ya Jumamosi iliyopita katika hospital ya Mloganzira Jijini Dar es salaam alipokuwa akipatiwa matibabu na kuzikwa jana Makaburi ya Kola Hill Morogoro.

Mara baada ya Kocha Mumba kufariki Mwili wake ulirejeshwa nyumbani kwake Kihonda Mbuyuni (Mafisa) ambapo wadau mbali mbali wa soka wakiongozwa na Mwenyekiti wa CCM Wilaya ya Morogoro Mjini Fikiri Juma wamefulika nyumbani kwa marehemu kushiriki lbada ya kumuombea l,

Wingi wa Mashehe hao unatokana na Marehemu Mumba enzi za uhai wake kuwa jirani na Mwenyezi Mungu kwa kushiriki swala 5 kwenye misikiti mbali mbali ya Mkoa wa Morogoro.

Enzi za uhai wake Marehemu Mumba akiwa katibu wa TAFCA huku mwenyekiti wake akiwa John Simkoko chama hicho kinatambuliwa na shirikisho cha Mpira wa Miguu Afrika’CAF’.

Hivyo Hayati Mumba na Simkoko mara kwa mara kupitia chama hicho walitoa mafunzo ya ukocha yanayotambuliwa na CAF,makocha kibao wakiwemo wa Simba,Yanga Azam wameshiriki mafunzo hayo na kukabidhiwa leseni zinazotambuliwa na CAF na Shrikisho la Mpira wa Miguu Tanzania TFF.

Baadhi ya makocha hao ni Pamoja na

Seleman Matola (Simba)

Habibu Kondo (Mtibwa Sugar)

Mecky Mexime (Kagera Sugar)

John Tamba (Polisi Tanzania)

Zuberi Katwira (Ihefu)

Wengine ni

Juma Kaseja, Ulimboka Mwakingwe, Athuman Kairo Ally Jangalu Bi.Edina Lemma aliyekuwa kocha wa Yanga Princess.