Mamelodi waunyemelea Ubingwa Ligi Kuu

Mamelodi Sundowns imeicharaza bao 5-1 klabu ya Royal AM katika uwanja wa Loftus Versfeld mjini Tshwane na kusogea mpaka alama 4 karibu na ubingwa wa Ligi kuu Afrika Kusini baada ya mechi 23.

Sundowns imefikisha alama 59 kileleni mwa msimamo wa Ligi kuu Afrika Kusini alama 20 mbele ya Supersport Utd iliyopo nafasi ya pili na inahitaji alama 4 kutangazwa Bingwa Ligi kuu Afrika Kusini.

Sundowns imetoa adhabu ya bao 5 kwa mara ya pili mfululizo ndani ya siku tatu baada ya kuwalaza klabu Bingwa namba nne Duniani, Al Ahly siku ya Jumamosi.