Mamelodi washinda Ubingwa wa Ligi Kuu kwa mara ya 6 mfululizo

Klabu ya Mamelodi Sundowns imeshinda Ubingwa wa Ligi Kuu ya Afrika ya Kusini ( DStv Premiership) jumamosi iliyopita pasipo hata kugusa mpira.

Droo waliyopata Supersport ugenini dhidi ya Chippa United iliwahikikishia Mamelodi kuwa hakuna wa kuwakamata.

Supersport ambao walikwenda kucheza mchezo wa wikiendi wakiwa nafasi ya pili baada ya sare yao wakajikuta wanaporomoka mpaka nafasi ya nne, walikuwa ndio timu pekee ambayo Kimahesabu walikuwa na uwezo wa kufikia alama za Mamelodi walizokuwa nazo hivi sasa na matokeo yake wataishia alama 58 iwapo watashinda mechi zao 6 zilizobaki.

Mamelodi kwa sasa wana alama 59 huku wakiwa na michezo saba imebaki kukamilisha michezo ya Ligi.

Huu ni Ubingwa wa sita mfululizo kwa Klabu ya Mamelodi Sundowns, na hivyo kujikusanyia kombe la la 16 kwa ujumla wakiwaacha Kazier Chiefs wenye Makombe 13.