Malengo ya Yanga ni kufika makundi Klabu Bingwa - Ali Kamwe

Afisa Habari ya Yanga, Ali Kamwe amesema kama klabu, malengo yao ni kufika hatua ya Makundi katika michuano ya Ligi ya Mabingwa Afrika.

Kamwe ameyasema hayo leo Julai 26, 2023 alipokuwa akifanya mahojiano na Wasafi FM ambapo alisema, hawataki kuwapa presha mashabiki wao wala wachezaji kwa kuweka malengo makubwa.

"Hatutaki kabisa kuwapa presha mashabiki wetu kwa kuweka malengo makubwa, sisi tunataka kuweka malengo ambayo tunaamini tutayafikia," alisema Kamwe.

Kwenye michuano hiyo ya Mabingwa Afrika, Yanga ataanza kukipiga na Asas kisha akishinda, atacheza na mshindi wa kati ya Al-Merrik au Ottoho na akishinda hapo ndiyo atajihakikishia kuingia makundi.