Maldini kwenye rada za Man United

Beki wa zamani wa klabu ya Ac Milan na baadae mkurugenzi wa michezo wa klabu hiyo Paulo Maldini ameingia kwenye rada za klabu ya Manchester United wakimuhitaji kama mkurugenzi mpya wa michezo.

Klabu ya Manchester United ipo kwenye mchakato wa kufanya mabadiliko katika eneo lao la uongozi haswa kwenye idara ya michezo, Hivo wanamuona Maldini kama mtu sahihi klabuni hapo.

Klabu ya Man United iliachana na mkurugenzi mkuu klabuni hapo aliyedumu kwa miaka 14 Richard Arnold, Huku wakijiandaa na kuachana na mkurugenzi wa michezo John Murtough kwajili ya kujiandaa na mradi mpya.

Beki Paulo Maldini baada ya kuingia kwenye rada za Man United ni wazi anakua mtu wa pili kufatiliwa kwa karibu kwajili ya kua mkurugenzi wa michezo wa klabu hiyo baada ya Paul Mitchell kutoka Monaco ya nchini Ufaransa.

Kama Man United watafanikiwa kumpata gwiji huyo wa klabu ya Ac Milan watakua wamefanikiwa kupata moja ya wakurugenzi bora wa michezo wa miaka ya hivi karibuni, Kwani gwiji huyo amefanya kazi kubwa ndani ya klabu ya Ac Milan kabla ya kujiuzulu.