Makocha wenye majina makubwa Championship

Awali tulianza kuona wachezaji wenye majina makubwa na uwezo mkubwa wakitoka Ligi Kuu kwenda Ligi ya Championship, sasa hivi imekuja kwa makocha!

Kuna makocha wenye majina makubwa na leseni kubwa zenye kukidhi vigezo na masharti ya kufundisha timu za Ligi Kuu lakini tunawaona kwenye Ligi ya Championship.

Kwa mfano Salum Mayanga amewahi kuwa kocha wa Tanzania Prisons na Mtibwa Sugar kwa nyakati tofauti lakini pia amewahi kuwa kocha mkuu wa timu ya Taifa ya Tanzania.

Ubora wa makocha hawa utapelekea ubora wa Ligi ya Championship kiufundi na kimbinu lakini pia uzoefu wao utawasaidia wachezaji kuimarika zaidi.

Kwenye orodha hii makocha wote wamewahi kufundisha Ligi Kuu, Edna Lema yeye kafundisha Ligi Kuu ya soka la wanawake.

Mbwana Makata [Pamba Jiji FC]

Salum Mayanga [Mbeya City]

Idd Cheche [Pan Africans FC]

Fulgence Novatus [FGA Talents FC]

Edna Lema [Biashara United]

Amri Said [KenGold FC]

Maka Malwisi [Mbeya Kwanza]

Ngawina Ngawina [TMA FC]

Tayari harakati zimeanza za NBC Championship League 2023|24, timu 16 zinawania nafasi za kupanda Ligi Kuu kwa ajili ya msimu ujao [2024|25] huku kila timu ikiwa imeshacheza mechi ya mzunguko wa kwanza.

Je, ujio wa makocha wengi wa kigeni umepelekea makocha wengi wazawa kukimbilia Ligi ya Championship baada ya kukosa nafasi Ligi Kuu??