Makocha elfu moja wajitokeza kumrithi Nabi

Ofisa Habari wa Yanga SC, Ally Kamwe amesema tangu walipotangaza kuachana na aliyekuwa Kocha wao mkuu, Nasrdine Nabi, makocha elfu moja wamejitokeza kumrithi kocha huyo, raia wa Tunisia.

Yanga walitangaza kuachana na Nabi jana Juni 14, 2023 kupitia kurasa zao rasmi za mitandao ya kijamii na hadi kufikia leo Juni 15, 2023, tayari makocha hao wamejitokeza kuomba kandarasi.

"Tangu tulipotoa taarifa ya kuondoka kwa Nabi jana usiku, saa tano mpaka leo asubuhi napokuja hapa (saa 5 asubuhi ) jumla ya CV zaidi ya 1000 zilikuwa zimetumwa..." alisema Kamwe.