Majeraha yamtibulia Nyota Arsenal kuvunja rekodi ya Firmino

Nyota wa Arsenal, Gabriel Martinelli hatavunja rekodi ya Mbrazili mwenzake Roberto Firmino kwenye Ligi Kuu England msimu huu baada ya kuumia.

Martinelli anayeichezea Arsenal alikuwa akifukuzia rekodi ya upachikaji wa mabao aliyovunja Firmino katika chama lake la Liverpool kwa upande wa wachezaji wa Brazili wanaocheza kwenye Ligi Kuu England.

Winga huyo mwenye umri wa miaka 21, Martinelli amefunga mabao 15 msimu huu akimfikia Firmino aliyefunga idadi kama hiyo ya mabao katika msimu wa 2017-2018.

Lakini, kutokana na kuumia goti Martinelli atakosa mechi mbili za kumalizia msimu ambazo zimebaki na hivyo hatavunja rekodi ya Firmino.