Majeraha ya Kramo, Simba yahamia kwa Joshua Mutale

Viongozi wa Klabu ya Simba wamefanya mazungumzo na winga wa Power Dynamos ya Zambia, Joshua Mutale (alivaa jezi namba 7 mechi ya juzi) kwa ajili ya kumsajili katika dirisha lijalo.

Winga huyo amekuwa katika kiwango bora sana kiasi cha kuwavutia viongozi wa Simba SC ambao wameondoka na jina lake na mawasiliano yake ili kufanya mchakato wa kumleta Msimbazi.

Ikumbukwe kuwa, Simba pia walishawahi kufanya hivyo kwa Moses Phiri ambaye walimsajili na kumuacha katika Klabu yake ya Zanaco mpaka msimu ulipomalizika kKisha akajiunga nao.

Simba hawana muda wa kulaza damu, baada ya majeruhi ya mara kwa mara ya winga wao wa Ivory Coast, Aubin Kramo, sasa kazi imehamia kwa Joshua Mutale.