Majanga Liverpool, kumkosa Firmino mwezi mzima

Straika wa Liverpool, M-brazil Roberto Firmino huenda akakaa nje kwa mwezi mzima baada ya kupata maumivu ya misuli ya paja katika mechi dhidi ya Atletico Madrid jumatano wiki hii.

Meneja wa Liverpool, Jurgen Klopp amesema kumkosa mchezaji kama firmino kwao ni janga, " tunaongelea majuma kadhaa na bado yaweza kuwa zaidi ya mwezi, kwangu mimi naweza kusema hayo ni majeraha makubwa".

Firmino amefunga magoli manne katika mechi nane za Ligi Kuu England. Kiungo Curtis Jones na Mlinzi Joe Gomez nao pia wameondolewa katika kikosi kitakachowavaa West ham wikiendi hii.