Maguire avunja Ukimya Juu ya Uvumi wa Kugombea Unahodha

Siku ya leo Alhamisi kulizuka uvumi kwamba wachezaji wa Manchester United kuwa kwenye vita kali ya kugombea unahodha wachezaji hao ni Harry Maguire na mshambuliaji nyota Christiano Ronaldo.

Sasa Maguire amekanusha madai ya vita kati yake na Cristiano Ronaldo katika chumba cha kubadilishia nguo kuhusu unahodha wa klabu hiyo. Harry Maguire amekanusha vikali ripoti za “vita vya nguvu” na Cristiano Ronaldo kuhusu nafasi ya unahodha wa Manchester United.

Ripoti zinadai kwamba Ronaldo anataka kuwa nahodha wa kudumu wa Manchester United na tayari kumekuwa na maneno kutoka kwa mashabiki wa klabu hiyo kutaka cheo hicho apatiwe Ronaldo ingawa kuna baadhi wanataka Maguire aendelee kwenye nafasi yake.

Maguire aliandika kwenye akaunti ya Twitter: “Nimeona ripoti nyingi kuhusu klabu hii ambazo si za kweli na hii ni nyingine. Sitaanza kutuma juu ya kila kitu kilichoandikwa lakini nilihitaji kuweka hii wazi. Sisi ni United na tunazingatia zaidi mchezo wa Jumapili. Furahia siku yako kila mtu.”