Maeneo yatakayompasua kichwa Robertinho kupanga kikosi!

Simba SC ni kama tayari wameshafunga usajili baada ya kumsajili golikipa Luis Jefferson na Luis Miqusson. Hiyo imefanya kikosi cha Simba kiwe na utajiri mkubwa na Kocha Roberto Oliviera 'Robertinho' kuwa na kazi pevu ya kupanga kikosi.

Robertinho kabla ya usajili wa msimu huu, aliwahi kunukuliwa mara kadhaa anahitaji kuwa na kikosi kipana ambacho kitampa nafasi ya kuwa na wachezaji wawili au zaidi kwenye nafasi moja.

Sasa kwa usajili alioufanya, kazi atakuwa nayo kwenye maeneo haya kupanga wachezaji wa kuanza hususan katika eneo la kiungo na ushambuliaji.

Viungo washambuliaji wa pembeni: Willy Onana, Aubin Kramo, Luis Miqusson, Kibu Denis na Peter Banda (kama hataachwa)

Viungo wakabaji: Sadio Kanoute, Fabrice Ngoma, Mzamilu Yassin, Nassor Kapama na Abdallah Hamis

Viungo washambuliaji: Saido Ntibanzokiza, Clotus Chama na Jimmyson Mwanuke

Washambuliaji: Jean Baleke, Mosses Phiri, John Bocco, Shaban Chilunda na Mohamed Mussa

Maeneo ambayo hayana changamoto sana ya kumpasua kichwa Robertinho ni walinzi wa kati, kushoto na kulia.

Walinzi wa kati: Henock Inonga, Che Fondoh, Kennedy Juma na Hussein Kazi

Walinzi wa kushoto: Mohamed Hussein na Israel Mwenda

Walinzi wa kulia: Shomari Kapombe na David Kameta 'Duchu'.

Magolikipa: Luis Jefferson, Ally Salum na Ahmed Feruz.

Endapo Aishi Manula atarejea, huwenda nayo ikawa changamoto mpya katika eneo la magolikipa.