Madrid yashinda 2-0 dhidi ya Bilbao

Mabingwa watetezi wa Ligi Kuu nchini Hispania La Liga, Real Madrid wamerudi kwenye njia ya ushindi kufuatia kuibuka na matokeo chanya ya goli 2-0 dhidi ya Athletic Bilbao katika mchezo wa Ligi uliochezwa Jumapili.

Ushindi wa Madrid ulikuwa muhimu kwani sasa inakuwa nyuma ya vinara Barcelona kwa tofauti ya pointi tatu.

Mabao ya Real Madrid yalifungwa na mshindi wa Ballon d’Or Karim Benzema ambaye alifunga kwa shuti kisha kiungo mshambuliaji wa zamani wa Ujerumani Toni Kroos akaongeza.

Mapema siku ya Jumapili, Barca walishinda dhidi ya Getafe na kuwa kileleni kwa tofauti ya pointi sita lakini ushindi walioupata Madrid unapunguza tofauti hiyo nakuwa alama tatu pekee.