Madrid wanamtaka Alphonso Davies

Real Madrid imepanga kuanza mazungumzo na Bayern Munich ili kuipata huduma ya beki wa timu hiyo, Alphonso Davies, 22, kwenye dirisha lijalo. Madrid inataka huduma ya beki huyo kwa sababu inaamini ataenda kuwa tiba sahihi ya tatizo la beki wa kushoto.

Beki huyu kisiki wa Timu ya Taifa ya Canada licha ya kupewa ofa ya kusaini mkataba mpya na Bayern alikataa kufanya hivyo jambo linalotoa ishara kwamba anafikiria kuondoka.

Hata hivyo, Madrid haijahusika hata kidogo kwenye suala la staa huyo kugoma kusaini mkataba mpya na Munich bado haijakata tamaa ya kumsainisha.

Davies ni miongoni mwa wachezaji tegemeo katika kikosi cha kwanza cha Bayern na amekuwa akisifika kwa uwezo wake ambao umefanya apewe jina la utani la pikipiki.