Mabilionea Newcastle kuwakutanisha Ronaldo, Messi, Benzema

Wamiliki wa Klabu ya Newcastle ambao ni ‘Saudi Public Investment Fund (PIF) siku chache zijazo wataweza kufanya kazi na Cristiano Ronaldo, Lionel Messi na Karim Benzema huko Mashariki ya Kati.

PIF itafanikisha kufanya kazi na magwiji hao wa soka baada ya kuwekeza katika Klabu ya Al Nassr inayotumikiwa na Ronaldo, Al-Hilal inayohusishwa na usajili wa Messi pamoja na Al Hilal.

Mpaka sasa PIF imetangazwa kumiliki asilimia 75 ndani ya Klabu hizo za Al Ahli, Al Nassr na Al Hilal ambazo zimebadilishwa na kuwa kampuni.

PIF pia imechukua asilimia 75 ya Klabu ya Al-Ittihad ambayo mkali wa Real Madrid, Karim Benzema anatarajiwa kutua.