Bruno Fernandes na Luke Shaw
Beki wa klabu ya Manchester United Luke Shaw amesema kua bado ni mapema sana kwa klabu hiyo kuanza kuwaza ubingwa wa ligi kuu ya Uingereza msimu huu.
Beki Luke Shaw ambaye amekua na kiwango bora sana kwa sasa ndani ya timu hiyo amesema hakuna ambaye anafikiria ubingwa wa ligi kuu ya England wao kama timu kwasababu wanaona bado ni mapema sana kuuwaza ubingwa wa ligi kuu ya England.
Manchester United kwa sasa wako nyuma kwa alama sita dhidi ya vinara klabu ya Arsenal lakini hiyo haimfanyi beki huyo aamini kwamba wanaweza kutwaa ubingwa. Klabu ya Man United imekua kwenye kiwango bora mpaka sasa hivo kuwafanya wadau wa soka kuanza kuifikiria kwenye mbio za ubingwa.
Beki Luke Shaw anasema ndani ya kikosi cha klabu hiyo hakuna ambaye ameonesha kuanza kuufikiria ubingwa kwakua bado ni mapema, Lakini ameeleza kua kipaumbele chao kwasasa kama klabu ni kuhakikisha wanaendeleza huu ubora walio nao kwasasa wakiendelea kushinda michezo mingine.
Luke Shaw ambaye amekua na kiwango kizuri siku za hivi karibuni haswa alipodilishwa nafasi na kuchezeshwa kama beki wa katikati, ameonesha kufurahishwa na kiwango ambacho kinaoneshwa na timu yake kwasasa na kuweza kupata matokeo katika michezo kumi mfululizo.