Liverpool yatinga robo Fainali Carabao Cup

Michezo ya Carabao Cup( Kombe la Ligi) England, zimeendelea tena usiku wa jana kwa michezo kadhaa kupigwa.

Timu ya Liverpool imetinga Robo Fainali, baada ya ushindi wa 2-0 dhidi ya wenyeji, Preston North End katika Uwanja wa Deepdale mjini Preston.

Mabao ya Liverpool yamefungwa na Takumi Minamino dakika ya 62 akimalizia pasi ya Neco Williams na Divock Origi dakika ya 84.

Katika mchezo mwingine Tottenham wameibuka na ushindi wa goli 1-0 ugenini dhidi ya Burnley, goli ambalo limefungwa na Lucas Moura 68.