Nyota wa Liverpool, Mo salah amefunga magoli mawili usiku wa jana
Majogoo wa Jiji, timu ya Liverpool usiku wa jana imewachapa wenyeji, Atletico Madrid mabao 3-2 katika mchezo wa Kundi B, hatua ya makundi Ligi ya Mabingwa barani Ulaya.
Mchezo huo uliopigwa katika Uwanja wa Wanda Metropolitano Jijini Madrid, ulishuhudia Liverpool wakivunja uteja wao dhidi ya timu za Hispania ugenini.
Mabao ya Liverpool yalifungwa na Mohamed Salah dakika ya nane akimalizia pasi ya Andrew Robertson na dakika ya 78 kwa penalti baada ya Diogo Jota kuchezewa rafu na Naby Keita dakika ya 13.
Kwa upande wao, Atletico Madrid mabao yao yalifungwa na Antoine Griezmann yote dakika ya 20 na 34 kabla ya kutolewa kwa kadi nyekundu dakika ya 52 kwa kumchezea rafu Roberto Firmino.
Liverpool inafikisha pointi tisa na kuendelea kuongoza Kundi B, akifuatiwa na Atletico Madrid na Porto, huku AC Milán ikiwa inashika mkia haina pointi baada ya wote kucheza mechi tatu.