Leicester yaivurugia Liver mipango
Bao pekee la Ademola Lookman limeipa timu ya Leicester City alama tatu muhimu mbele ya Majogoo wa Jiji la Merseyside Liverpool katika mtanange wa Ligi Kuu England uliopigwa dimba la King Power Disemba 29, 2021.
Kipigo hicho kwa Liverpool kinakuwa furaha kwa Manchester City ambao sasa wanabakia kwenye nafasi ya kwanza kwa tofauti ya alama sita na Liverpool.
Nafasi pekee ya wazi kwa Liverpool ilitokea baada ya Mohammed Salah kukosa penati iliyochezwa na kipa wa Leicester City Kasper Schmeichel kunako dakika ya 15 ya mchezo baada ya hapo kukawa na piga nikupige mara kadhaa.
Baada ya kosa kosa za hapa na pale, Liverpool waliadhibiwa kwa kushindwa kutumia nafasi vyema baada ya kijana Lookman kufunga goli la ushindi kwa kocha Brendan Rodgers akimalizia pasi ya Kiernan Dewsbury-Hall.
Liverpool wanabakia nafasi ya pili lakini tofauti ya alama sita na vinara Manchester City, Leicester City nafasi ya tisa baada ya kuvuna ushindi kwenye mechi mbili kati ya saba.