Liverpool yabanwa mbavu Anfield, Brighton yalazimisha sare

Katika dimba la Anfield, Liverpool wamelazimishwa sare ya 2-2 na Brighton & Hove Albion katika mchezo wa Ligi Kuu ya England.

Liverpool ilitangulia kwa mabao ya Jordan Henderson dakika ya nne na Sadio Mane dakika ya 24, kabla ya Brighton kuzinduka kwa mabao ya Enock Mwepu dakika ya 41 na Leandro Trossard dakika ya 65.

Kwa sare hiyo ya nyumbani, kikosi cha Jurgen Klopp kinafikisha pointi 22, kikizidiwa pointi tatu na Chelsea inayoongoza baada ya wote kucheza mechi 10.

Brighton yenyewe baada ya sare ya leo inafikisha pointi 16 kufuatia kucheza mechi 10 pia kikisogea nafasi ya sita.