Liverpool wamsaini Arthur Melo

Liverpool imemsajili kiungo wa zamani wa Barcelona Arthur Melo kwa mkataba wa mkopo mpaka mwishoni mwa msimu huu.

Nyota huyo mwenye umri wa miaka 26, anajiunga na Liverpool akitokea Juventus ya Italia ambapo alikwenda kwenye klabu hiyo mwaka 2020.

Arthur, msimu uliopita alicheza mechi 31 lakini kwenye mechi ambazo zimechezwa mpaka sasa Seria A hajacheza mechi yoyote, ametua Anfield kupunguza makali ya majeruhi klabuni hapo mathalani kuumia kwa Thiago Alcantara.