Ligi ya Australia yakana matumizi ya cocaine

Ligi ya Soka ya Australia (AFL) imekanusha kuwa ina tatizo la cocaine, baada ya wafichuaji kusema kuna matumizi ya dawa hizo katika mchezo huo.

Katika hotuba yake kwa bunge siku ya Jumanne, mbunge alishutumu klabu ya Melbourne Demons - na AFL kwa upana kwa kuficha ukiukaji wa sera ya madawa ya kulevya ya ligi.

Wachezaji walikuwa wakisingizia majeraha ya uwongo ili kuepuka vipimo vya dawa siku ya mechi, Andrew Wilkie alisema.

Bosi wa AFL hakukanusha madai hayo, lakini alisema matumizi ya dawa za kulevya hayakuwa ya kawaida.

Bw Wilkie alitumia fursa ya bunge kupeperusha madai hayo, ambayo anasema yalitolewa kwake na watu watatu. Hao ni rais wa zamani wa Mashetani Glen Bartlett, daktari wa zamani wa klabu Zeeshan Arain, na Shaun Smith, mchezaji wa zamani na baba wa mchezaji wa sasa wa Demons Joel Smith.

Katika hotuba yake, Bw Wilkie alidai vipimo vya "off-the-book" vilifanywa katika kliniki ya magonjwa ya Melbourne na kuwezeshwa na afisa mkuu wa zamani wa AFL.