Leo ndio Yanga, Simba kila mtu ashinde kwake

Miamba ya soka la Tanzania Simba na Yanga leo watakuwa ugenini katika michezo ya kuisaka nafasi ya kucheza hatua ya makundi ya michuano ya ligi ya mabingwa Afrika(CAFCL).

Simba wapo nchini Zambia ambapo watavaana na Power Dynamos huku Yanga wakiwa wageni wa Al merreikh ya Sudan mchezo utakaochezwa nchini Rwanda.

Michezo yote miwili itapigwa kuanzia saa 10 jioni, ambapo tofauti na ilivyozoeleka licha ya kuwa ugenini timu hizo zitapata nguvu ya mashabiki waliosafiri kwenda kuzipa hamasa.