Brendan rodgers
Klabu ya Leicester City inayoshiriki ligi kuu ya EPL imeamua kuachana na kocha wake aliyekua anaitumikia klabu hiyo Brendan Rodgers baada ya kupata matokeo mabaya kwenye ligi hiyo.
Leicester City wameamua kuachana na Rodgers aliyedumu klabuni hapo kwa misimu minne lakini wameamua kuachana na kocha huyo kutokana na mwenendo usioeleweka wa kocha huyo ndani ya klabu hiyo mabingwa wa zamani wa ligi kuu ya Uingereza.
Mkurugenzi wa michezo wa klabu hiyo ameweka wazi kua mpango wao katika michezo 10 ya mwisho iliyobaki katika ligi kuu ya Uingereza ni kuhakikisha wanafanya vizuri katika michezo iliyobaki na kubaki katika ligi kuu ya Uingereza.
Brendan Rodgers anaondoka ndani ya Leicester City akiwa amefanikiwa kuipa taji la kombe la Fa klabu hiyo pamoja na Ngao ya Hisani mwaka 2021, Kocha huyo vilevile alifanikiwa kwa kiwango kikubwa kuifanya timu hiyo kua moja ya timu shindani ya ligi kuu ya Uingereza.
Leicester City bado hawajaweka wazi nani atachukua mikoba ya kocha huyo ambaye ameondoka kuelekea mwishoni mwa msimu, Taarifa zinaeleza kua klabu hiyo imepanga kuajiri kocha mpya baada ya kumalizika kwa ligi kuu ya Uingereza msimu huu.