Frank Lampard
Lampard amejitoa kwenye kinyang’anyiro cha kuinoa klabu ya Norwich City na kumwachia nafasi Dean Smith kuwa kocha anayepewa kipaumbele kuweza kibeba mikoba hiyo.
Lampard alifanya mazungumzo na klabu ya Norwich kuhusu kuchukua mikoba iliyoachwa na Daniel Farke, lakini kwa sasa ameamua kujiondoa kwenye kinyang’anyiro hicho.
Kutoka kwenye chanzo cha ndani ya klabu ya Norwich kinasema kwa sasa Frank hana tena shauku ya kutaka kuchukua mikoba hiyo na ameamua kujiengua mwenyewe baada ya mazungumzo.
Kwa sasa Smith ndio anapigiwa chapuo la kuingonza Norwich baada ya kufungashiwa virago na klabu ya Aston Villa wiki iliyopita, huku akigeuka kuwa chaguo namba moja kwnye klabu ya Norwich City.
Norwich City kwenye msimamo wa ligi kuu ya Uingereza inashika nafasi ya mwisho 20, huku wakiwa sawa pointi na klabu ya Newcastle wakitofautiana idadi ya magoli ya kufunga na kufungwa.