Lamine Yamal afaulu mitihani yake ya sekondari

Kinda wa Barcelona na timu ya Taifa ya Hispania, Lamine Yamal Nasraoui Ebana (16) amefanikiwa kufaulu mitihani yake ya mwaka wa nne wa elimu ya ESO.

ESO ni Elimu ya Sekondari ya lazima baada ya shule ya msingi ambayo inachukua kipindi cha miaka minne hadi kuimaliza.

Elimu hiyo kikawaida huwa inachukua watoto wa miaka 12 hadi 16 na inaruhusiwa kurudia kwa miaka miwili tu kama ikitokea mwanafunzi amefeli na hairuhusiwi kusomwa kwa mwanafunzi aliyezidi miaka 18.

Lamine amefanya mtihani hiyo akiwa analitumikia Taifa lake la Hispania katika michuano ya EURO 2024.