Kylian Mbappe azungumzia sakata la Messi kuondoka PSG

Kylian Mbappe ameibuka tena akizungumzia mapungufu ya klabu yake ya PSG, kumruhusu nyota wa dunia Lionel Messi kuondoka katika hali ya kushangaza.

Nyota huyo wa Ufaransa hivi karibuni alitangaza kuwa hatasaini mkataba wa nyongeza katika klabu ya Parc des Princes, lakini akithibitisha uhamisho wa bure mwaka 2024 mkataba wake wa sasa utakapokamilika.

Akizungumza na Gazzetta dello Sport, Mbappe alisema: “Kwa mchezaji kama mimi, lengo ni kushinda kila kitu, na tulijua kuwa PSG kulikuwa na mapungufu ambayo mapema au baadaye tungeishia kuyalipa.

“Sikusema nilitaka kuuzwa kwenda Real Madrid au ninataka kuondoka, lakini tu kwamba sitaongeza mkataba wa mwaka wa ziada.

“Pamoja na PSG, hakujawa na mazungumzo yoyote ya kimkataba. Lionel Messi ameondoka? Habari mbaya sasa zinahitaji kubadilishwa.”

Aliongeza: “Yeye ni mmoja wa wachezaji bora katika historia ya mpira wa miguu. Sio habari njema wakati mtu kama Messi anaondoka.

“Sielewi kabisa kwa nini watu wengi walifurahi sana kwamba alikuwa ameenda. Hakupata heshima aliyostahili nchini Ufaransa.”