Kwa Yanga hii, watasubiri sana

Watasubiri sana kuiona Yanga ikifanya vibaya katika Ligi ya Tanzania Bara, baada ya hii leo kuwaburuza wageni kunako Ligi kuu timu ya Geita Gold.

Winga Jesus Moloko ndio aliepeleka raha kwa wanajangwani baada ya kufunga bao la pekee kwa Yanga dakika ya 17 ya mchezo.

Goli hilo ni goli la kwanza kwa nyota huyo ambae amejiunga na Yanga dirisha lililopita.

Yanga wameonyesha kandanda safi katika mchezo huo la kuwaburudisha mashabiki na wapenzi wake.

Kwa ushindi huo, Yanga wamefikisha alama 6, wakishuka dimbani michezo miwili na yote wakiibuka na ushindi.