Kuondoka kwa Pogba kumempa nafasi Sancho

Juventus itafikiria kufadhili kumnunua Jadon Sancho ambaye ametengwa na Manchester United kwa pesa zilizookolewa kwenye mshahara kutoka kwa Paul Pogba – ambaye anakabiliwa na marufuku ya muda mrefu ya kutojihusisha na soka baada ya kukutwa na viwango vya ziada vya testosterone.

Winga Sancho aliingia kwenye mitandao ya kijamii kukanusha madai ya bosi Erik ten Hag kuwa aliachwa nje ya kikosi kwa United ilichapwa 3-1 na Arsenal mapema Septemba kwa sababu ya mazoezi duni.

Alifukuzwa kwenye mazoezi ya kikosi cha kwanza na Ten Hag na alitolewa kwenye mchezo uliofuata wa United dhidi ya Brighton, na hajarejeshwa kikosini tangu wakati huo.

Ten Hag amempiga marufuku Sancho kutumia vifaa vya klabu hadi atakapoachana na nafasi yake huku wachezaji wenzake wakijaribu kumshawishi kuomba msamaha kwa meneja huyo.

Wachezaji wenzake Sancho huko United wamejaribu kumshawishi arudi nyuma katika msimamo wake na kuomba msamaha kwa bosi, kwa manufaa ya kila mtu. Wachezaji watatu wa England, Marcus Rashford, Harry Maguire na Luke Shaw ni miongoni mwa wanaoamini kuwa winga huyo anafaa kulegeza msimamo wake na kuafikiana.